गंगादेव गाउँपालिकाको फुलबासमा भएको हिंसक आक्रमणको घटना यतिबेला डढेलो जस्तै फैलिएको छ। बालक खगेन्द्र विकमाथि भएको प्रहार र गोपाल विकको गम्भीर अवस्थालाई लिएर अधिकारकर्मी, कलाकार र सर्वसाधारणले सामाजिक सञ्जालमा #JusticeForKhagendra र #JusticeForGopal भन्दै अभियान सुरु गरेका छन्।
सामाजिक सञ्जाल प्रयोगकर्ताहरूले लेखेका छन् – “यो केवल एउटा व्यक्तिमाथिको आक्रमण होइन, सिंगो मानवता र कानुनी राज्यमाथिको प्रहार हो।” सयौँले घाइते गोपाल विकको शीघ्र स्वास्थ्य लाभको कामना गर्दै उनको साहसको प्रशंसा गरेका छन् भने स्थानीय प्रशासनलाई खुट्टा नकमाई अपराधीलाई ठेगान लगाउन चेतावनी दिएका छन्।