ललितपुरको पर्यटकीय क्षेत्र फुल्चोकी घुम्न जाने सोचमा हुनुहुन्छ भने यो भिडियो तपाईंको लागि निकै महत्त्वपूर्ण छ। घना जंगल, अपरिचित गोरेटो बाटो, मोबाइल नेटवर्कको समस्या र छिनछिनमा बदलिने मौसमका कारण यहाँ सर्वसाधारण र विद्यार्थीहरू हराउने घटना बढेको छ।
उपमेयर मुना अधिकारी र जिल्ला प्रहरी परिसर ललितपुरका अनुसार, धेरैजसो मानिसहरू फर्कने क्रममा सर्टकट बाटो खोज्दा जङ्गलमा अलपत्र पर्ने गरेका छन्।
यी कुराहरू सधैँ याद राखौँ:
१. एक्लै नजानुहोस्, सधैँ समूहमा यात्रा गर्नुहोस्।
२. स्थापित मुख्य बाटो मात्र प्रयोग गर्नुहोस्, जथाभाबी सर्टकट नलिनुहोस्।
३. पर्याप्त पानी, खानेकुरा र ब्याकअपसहितको मोबाइल बोक्नुहोस्।
४. घरबाट निस्कनुअघि परिवारलाई जानकारी दिनुहोस्।
तपाईंको सुरक्षा तपाईंको आफ्नै हातमा छ।