गत फागुन २१ गते सम्पन्न निर्वाचनपछि गठन भएको नवनिर्वाचित प्रतिनिधिसभाको पहिलो अधिवेशन आजदेखि सुरु हुँदैछ। सम्माननीय राष्ट्रपति श्री रामचन्द्र पौडेलज्यूको आह्वानमा संघीय संसद्को यो ऐतिहासिक बैठक आज दिउँसो २ बजे सिंहदरबारस्थित संघीय संसद् भवनमा बस्न लागेको हो।
संसद् सचिवालयका अनुसार बैठकका लागि आवश्यक सम्पूर्ण प्राविधिक र सुरक्षा प्रबन्ध मिलाइसकिएको छ। आजै राष्ट्रिय सभाको बैठक पनि छुट्टै हलमा बस्ने तयारी छ। आम जनताले यो नयाँ प्रतिनिधिसभाबाट देशको आर्थिक समृद्धि र सुशासनका लागि ठोस कदमको अपेक्षा राखेका छन्।