काठमाडौँ । राष्ट्रिय स्वतन्त्र पार्टी (रास्वपा)का वरिष्ठ नेता बालेन शाह र बझाङबाट प्रतिनिधिसभा उम्मेदवार शैलेशकुमार सिंह बीच आज औपचारिक भेटवार्ता सम्पन्न भएको छ।
भेटमा बझाङ जिल्लाको समग्र विकास, सुशासन, रोजगारी सिर्जना तथा जनताको विश्वास पुनःस्थापना गर्ने विषयमा गम्भीर छलफल भएको रास्वपा स्रोतले जनाएको छ। भेटका क्रममा नेता शाहले ग्रामीण भेगका समस्या राजनीतिक भाषणभन्दा कार्यान्वयनबाट समाधान गर्नुपर्नेमा जोड दिएका थिए।
उम्मेदवार सिंहले बझाङमा आधारभूत पूर्वाधार, स्वास्थ्य र शिक्षामा देखिएका चुनौतीहरूको जानकारी गराउँदै पार्टीको नीतिअनुसार इमानदार र परिणाममुखी राजनीति गर्ने प्रतिबद्धता व्यक्त गरेका थिए। उनले युवालाई केन्द्रमा राखेर जिल्लाको विकास अगाडि बढाउने योजना समेत साझा गरेका छन्।
रास्वपाले यस भेटलाई संगठन सुदृढीकरण र स्थानीय मुद्दालाई राष्ट्रिय बहसमा ल्याउने महत्वपूर्ण कदमका रूपमा हेरेको छ। आगामी दिनमा पार्टीले बझाङसहित देशका विभिन्न जिल्लामा यस्ता कार्यक्रमलाई निरन्तरता दिने जनाएको छ।
राजनीतिक वृत्तमा भने यो भेटलाई आगामी चुनावी रणनीति र नयाँ राजनीतिक सन्देशका रूपमा समेत हेरिएको छ।